نقل البضائع حسب نوع الحمولة

كل حمولة ليها شاحنة مناسبة وطريقة تحميل. اختار نوع حمولتك وشوف الشاحنات المناسبة والخطوط المطلوبة.

• نقل الحديد وحديد التسليح

  حديد التسليح والكمرات والألواح والمواسير حمولات تقيلة وطويلة، فبتتنقل على تريلا فرش (سطحة) أو جوانب، وبتتربط كويس بالجنازير والأحزمة.

• نقل الأسمنت

  الأسمنت بيتنقل بطريقتين: معبأ في أجولة على تريلا ستارة أو جوانب، أو سائب في صهريج بودرة (بولكر) بيتفرّغ بضغط الهوا في صوامع المواقع والمصانع.

• نقل المعدات الثقيلة

  اللوادر والحفارات والمحولات وماكينات المصانع بتتنقل على تريلا لوبد أرضيتها واطية، عشان الارتفاع الكلي للحمولة يفضل في المسموح، ومعاها ونش لو المعدة مش بتطلع بنفسها.

• نقل الحاصلات والمنتجات الزراعية

  القمح والذرة والحبوب بتتنقل سائبة على تريلا قلاب أو جوانب، والخضار والفاكهة اللي محتاجة تبريد بتتنقل على تريلا مبردة. وفيه مواسم شغل تقيل زي موسم حصاد القمح.

• نقل الأسمدة

  الأسمدة المعبأة في شكاير بتتنقل على تريلا ستارة أو جوانب، والسائبة على قلاب أو جوانب متغطية. الأهم إنها تفضل بعيد عن الرطوبة والمطر.

• نقل المواد الخام ومواد البناء

  الرمل والزلط والسن والدولوميت والجبس والكلنكر والفحم حمولات سائبة، وأنسب شاحنة ليها التريلا القلاب لأنها بتفرّغ في دقايق من غير عمالة.

• نقل الحاويات من وإلى الموانئ

  نقل حاويات 20 و40 قدم من موانئ الإسكندرية ودمياط وبورسعيد والعين السخنة للمخازن والمصانع وبالعكس، على تريلا حاويات (شاسيه) بأقفال تثبيت.